Sant Valent·a·s - Ostal D'Occitania (Tolosa)

L’IEO 31 vos convida a sa tota primièra serada 💖 Sant Valent·a·s 💖 lo dissabte 14 de febrièr a l’Ostal d’Occitania (Sala Perbòsc).
🌈 Aquesta serada pluridisciplinària, confla de suspresas e d’exclusivitats, començarà tre 18h30 amb l’estrena de « Edicion 2025 », primièra mòstra de Graou.
📷 Artista emergent de la scena occitana contamporanea alternativa nautbernardciana, a causit la fòto coma mejan d’expression magèr de sas recèrcas e de sos questionaments. 🤔
🎶 Entremesclada de quiz, blind-tests e autres karaòkes, la serada contunharà en fanfara, amb d’artistas de tria : lo famós puncàs retirat JoMo, libertari esperantista, e nòstra president, que partajarà l’empont amb lo provençal MrBrun, selecta tchatchaire del label Varalh Prod. 🎤
💿 E pel mai grand plaser del monde entièr, MrBrun s’acompanharà de son complici fisèl La Mascanha per l’incontornable Transe-òc vinil mix, lo mix 100 % vinil occitan per un viatge dins lo nòstre patrimòni discografic que vos farà bolegar, solide ! 💃
🍒 Puèi, cerièra sul milhasson, la fabulosa Madame Merlin, perruquièra & maquilhadora, serà aquí tota la serada per vos pimpar coma cal ! ✂️💄

Anèm, valent·a·s, vos esperam lo 14 de febrièr per festejar ! ✨